Фото: Принтскрин
Тешка трагедија ја потресе јавноста денеска околу 10 часот наутро, кога 70-годишен маж го загуби животот во патнички автобус што сообраќал на релација од Германија кон Македонија. Несреќниот настан се случил во близина на местото Михајловац, на автопатот помеѓу Белград и Ниш, во Србија.
Според информациите што ги пренесуваат српските медиуми, станува збор за македонски државјанин од Струга, кој патувал заедно со други патници. Автобусот се запрел на паркинг кај еден угостителски објект, кога сопатниците забележале дека постариот маж покажува знаци на сериозно здравствено влошување.
Присутните патници веднаш реагирале, обидувајќи се да му помогнат додека се чекаше доаѓањето на итната медицинска служба. Екипа на брза помош, заедно со полициски службеници, пристигнала на местото по околу половина час и започнала со обиди за реанимација. За жал, и покрај сите напори, лекарите само можеле да констатираат смрт.
