Фото: Принтскрин
Поранешниот министер Крешник Бектеши од вчера ја издржува мерката куќен притвор, откако Кочанскиот суд прифати предлог од Јавното обвинителство за укинување на претходно изречениот ефективен притвор.
Наместо зад решетки, Бектеши од сега времето ќе го поминува во својот дом, сѐ до понатамошен развој на судската постапка.
Веста беше споделена и на неговата официјална страница на „Фејсбук“, придружена со фотографија и коментар дека „секоја измината минута го потврдува она што многумина го знаат – дека обвиненијата се темелат на ништо повеќе од обиди за дискредитација на чесен човек“.
