Инцидент меѓу пратеници: Ристески се заканувал, па Апасиев го гаѓал со филџани (Фото)

Во македонското Собрание денеска се случил инцидент со вербална, но и физичка тензија, откако дошло до расправија меѓу пратениците Петар Ристески од ВМРО-ДПМНЕ и Димитар Апасиев од Левица, објави „Инфомакс“.

„Инфомакс“ пишува дека причина за конфликтот, според неофицијални извори, биле честите јавни обвинувања од страна на Левица за патните трошоци на пратениците, тема која последните месеци предизвикува бурни реакции во јавноста.

Инцидентот се случил во ходникот пред собраниската сала, каде, како што дознава редакцијата, Ристески му упатил заканувачки зборови на Апасиев, на што лидерот на Левица реагирал бурно, фрлајќи филџани кон својот колега. Нема информации за повредени, но присутните сведочат дека атмосферата била многу напната.

Сè уште нема официјална потврда од страна на Собранието за инволвираност на обезбедувањето, иако според неофицијални информации, било повикано да интервенира и да го смири настанатиот судир.

Фотографиите може да се погледнат ТУКА.

Извор: Инфомакс