Потребна е помош: Да ја вратиме насмевката на Бела

Во најтешките денови од пандемијата, кога стравот и неизвесноста ја парализираа планетата, на свет дојде Бела – предвреме родена, во момент кога ниту здравствениот систем, ниту семејствата знаеја што следува. Нејзиниот живот започна како борба – сепса, хипоксија и крварење во мозокот беа само дел од дијагнозите што ја ставија нејзината иднина под прашалник уште на самиот почеток.

ДОКОЛКУ САКАТЕ ДА ДОНИРАТЕ, ТОА МОЖЕ ДА ГО НАПРАВИТЕ ТУКА (PAVELANDREEV.COM)

И покрај тешките прогнози, Бела не се предаде. Преживеа благодарение на медицинските тимови, но уште повеќе благодарение на својата борбеност. Стана симбол на сила, љубов и истрајност.

Меѓутоа, нејзината битка сè уште не е завршена. Денес, таа се соочува со последиците од раѓањето – церебрална парализа, кортикално оштетување на видот и фокална епилепсија. Родителите не престануваат да се борат за секој нејзин напредок. Рехабилитацијата започна во Македонија, но со цел да добие што е можно подобри услови и третмани, нејзиниот пат продолжи низ Србија, Хрватска, Словенија, Грција и Бугарија.