Фото: Принтскрин
Врховниот суд на Република Македонија, преку својот Совет за казниви дела, донел одлука за укинување на претходната пресуда на скопската Апелација, со која Васил Јованов беше осуден на три години и десет месеци затвор за кривично дело поврзано со недозволено поседување и трговија со наркотични средства.
Оваа судска одлука била донесена само неколку дена пред изрекувањето на новата казна за истиот обвинет – пресуда која предизвика бурни реакции во јавноста. Јованов вчера беше осуден на 12 години затвор за предизвикување сообраќајна несреќа со фатални последици. Според обвинението, тој ја прегазил 22-годишната Фросина Кулакова додека таа преминувала улица на обележан пешачки премин во Скопје.
Двата случаи го ставаат Јованов во фокусот на јавноста и повторно го отвораат прашањето за соодветноста на судските одлуки и доследноста во санкционирањето на тешки кривични дела.
„Советот за казниви дела при Врховниот суд на Република Северна Македонија, на седницата одржана на ден 07.05.2025 година, донесе пресуда КВП2-43/25, со која го уважи барањето на осудениот В.Ј. од Скопје, за вонредно преиспитување на правосилната пресуда поднесено преку бранителот Панче Нефтенов, адвокат од Скопје, ја укина пресудата на Апелациониот суд Скопје КЖ-1047/24 од 05.02.2025 година и предметот го врати на второстепениот суд на повторно постапување и одлучување“, соопшти судот.
