Фото: Принтскрин
Поранешниот американски претседател Џо Бајден неодамна бил подложен на рутински медицински преглед, при што лекарите откриле „мал јазол“ на неговата простата – информација што ја потврди неговиот портпарол, но без да открие дополнителни детали за здравствената состојба на 82-годишниот политичар.
– За време на рутинскиот физички преглед беше забележан мал израсток (јазол) на простатата, кој бара понатамошна анализа и следење – изјави портпаролот, задржувајќи се на минимални коментари и без да спомене какви било конкретни ризици или дијагнози.
Според пишувањата на „Њујорк Тајмс“, Бајден во петокот минатата недела поминал одредено време во болница во Филаделфија, што дополнително ги засили шпекулациите за неговата здравствена состојба, особено поради возраста и фактот дека тој е најстариот американски претседател кој ја напушти функцијата.
