Фото: Православни Духовни поуки од Светите Старци
Во времиња кога науката не нуди одговори, а болката станува дел од секојдневието, некои родители не престануваат да бараат надеж – дури и таму каде што се чини дека ја нема. Една мајка, Амела, ја споделува својата длабоко емотивна приказна за синот Леон – дете кое живеело во целосен молк, со дијагноза на тежок аутизам, но кое проговорило по молитва до Свети Василиј Острошки.
Според нејзините зборови, Леон долго време не зборувал, не разбирал каде се наоѓа, ниту знаел кои му се родителите. Не реагирал на нивните допири, повици, ниту на нивната болка. Бил затворен во свој свет, недостапен за нив.
„Фотографијата која ја објавивте го прикажува мојот син Леон. Сакам да споделам со вас нешто што засекогаш ни го промени животот. Леон со години се соочуваше со тежок облик на аутизам. Не зборуваше, не покажуваше емоции, не знаеше ни кој е, ниту кои сме ние – неговите родители. Беше болно да се живее така, без еден обичен збор, без поглед полн препознавање.
Во еден миг на очај и надеж истовремено, со сопругот решивме да одиме во Острог. Пешачевме до светите мошти на Свети Василиј со срце полно молитви и вера. Со нас носевме една негова маичка, а таму купивме бројаница. Кога пристигнавме, отец Василиј беше присутен покрај кивотот. Со длабока тишина и мир во душата, го замолив да ја прочита молитвата за нашиот син“, открива мајката.
Свештеникот ја положи маицата и бројаницата врз моштите, запраша за нашите имиња и го спомена Леон по име. Тој момент беше полн со некаква тивка сила, но и натаму не знаевме што да очекуваме.
Кога се вративме дома, Леон спиеше. Кога се разбуди, тивко дојде кај мене, ме погледна во очи – првпат со свест – и ги изговори првите зборови во својот живот:
„Мамо, може ли да излезам надвор?“
Се запрепастивме. По толку години молк, одеднаш збор. Веднаш потоа изусти и друга реченица. Тоа беше почетокот на едно ново поглавје. Оттогаш, Леон напредува, комуницира, учи, се развива. Тој сам, со Божја милост, го победи аутизмот!
Нема доволно зборови да ја изразам благодарноста – и за Свети Василиј, и за верата што нè водеше кога бевме изгубени“, вели таа.
Фото+Извор: Православни Духовни поуки од Светите Старци
