Осудениот врховен судија Георгиев се вработи како магационер

Наќе Георгиев, поранешен врховен судија кој беше осуден на затворска казна поради примање мито, сега е ангажиран како магационер во приватна фирма, дознава „Скопје1“.

Овој ангажман му овозможува преку денот да биде надвор од затвор, додека вечерите ги поминува во казнено-поправна установа.

По нешто повеќе од една година помината во затвор од вкупната тригодишна казна, Георгиев бил преместен од затворот во „Скопје“ во струмичкиот затвор, каде што редовно користи затворски поволности.

Според изјавата на директорот на Управата за извршување санкции, Зоран Ристов, осуденикот има дозвола за работно ангажирање со согласност од надлежните органи, открива „Скопје1“.

Извор: Скопје1.мк