Фото: Принтскрин
Оштетен автомобил марка БМВ и понатаму се наоѓа покрај патот во близина на наплатната рампа кај Миладиновци, каде, според досегашните информации, завршило возилото за кое се смета дека било употребено во обидот за бегство по вооружениот напад во центарот на Штип.
Во инцидентот, што се случи на градскиот плоштад, смртно настрада 25-годишен државјанин на Република Турција.
Според податоците што ги сподели Министерството за внатрешни работи, непосредно по настанот осомничениот 21-годишен напаѓач се обидел да побегне со помош на четири други лица, исто така турски државјани, кои му помогнале да го напушти местото на злосторството.
