Фото: Принтскрин
На подрачјето на скопската општина Бит Пазар е откриен вознемирувачки случај во кој малолетна ученичка од основно училиште подолг период била мета на уцени и закани од страна на двајца нејзини соученици.
Според информациите на Министерството за внатрешни работи, девојчето било изложено на психолошки притисок и заплашување – ѝ било речено дека нејзиниот помал брат, кој има здравствени потешкотии, ќе биде физички нападнат доколку таа не им обезбеди пари. Во страв за безбедноста на брат ѝ, таа им подлегнала на уцените и во неколку наврати им давала пари, при што од дома успеала да земе вкупна сума од приближно 25.000 евра.
Случајот бил пријавен во полиција на 10 мај, нешто по полноќ, од нејзиниот татко – 52-годишен жител на Скопје. Надлежните институции преземаат мерки за целосно расветлување на настанот, а МВР работи на идентификација и понатамошно постапување со вклучените малолетни лица.
