Фото: Принтскрин
На 8 мај 2025 година, околу 21:25 часот, во Секторот за внатрешни работи Штип било пријавено пукање во угостителски објект сместен на Градскиот плоштад во Штип. Според пријавата, огнено оружје било употребено врз 25-годишниот Е.О., државјанин на Република Турција, по што напаѓачот побегнал со автомобил во непознат правец. Повредениот бил веднаш пренесен во Клиничката болница во Штип, каде, и покрај обидите за реанимација, им подлегнал на повредите во 22:10 часот.
Брза и координирана полициска акција резултирала со приведување на вкупно пет лица од Турција, за кои постојат основи на сомнение дека биле директно или индиректно вклучени во инцидентот. Притоа, бил користен и дрон за следење и лоцирање на осомничените.
Клучниот осомничен за пукањето, 21-годишниот К.К., бил уапсен во близина на наплатната рампа кај Миладиновци, заедно со уште четири лица: А.Х. (22), Т.М. (22), О.М. (29) и А.О. (28), сите турски државјани. Се сомнева дека групата му помогнала на К.К. да побегне од местото на злосторството.
Во 22:15 часот, патничко возило марка „БМВ“ со штипски регистарски таблички било запрено токму на наплатната рампа кај Миладиновци, во заедничка акција на СВР Штип, СВР Скопје и сообраќајната полиција. Во возилото биле четворица од осомничените, при што едниот од нив, А.Х., се обидел да избега, но по кратко време и тој, заедно со К.К., биле лоцирани и приведени.
Обвинителството и МВР продолжуваат со истрагата за целосно расветлување на мотивите и околностите под кои се случило убиството.
Видео: Tv Star – Телевизија Стар
