(Видео) Ова е возилото со кое бегал убиецот од Штип

Во близина на наплатната рампа кај Миладиновци и натаму стои оштетено возило марка БМВ, кое, според првичните информации, било користено за бегство по пукањето што се случи на градскиот плоштад во Штип, при што беше убиен 25-годишен турски државјанин.

Возилото, кое излетало од коловозот, сега е клучен дел од доказниот материјал во истрагата што ја водат надлежните институции.

Од Министерството за внатрешни работи информираат дека по убиството, извршено од 21-годишен маж, четири други лица му помогнале да се оддалечи од местото на злосторството.

„По преземени мерки и активности, при што бил употребен и дрон, во близина на наплатна рампа Миладиновци, полициски службеници од слобода ги лишиле К.К.(21) од Република Турција зa кој постои сомнение дека е сторител на делото, како и А.Х.(22), Т.М.(22), О.М.(29) и А.О.(28), сите од Република Турција, поради сомнение дека му помогнале на К.К. да побегне од местото“, соопшти МВР.

Видео+Фото: Принтскрин/Телевизија M»Net HD