Фото: Принтскрин
На денешното прво рочиште за сообраќајната несреќа во која животот го загуби младата студентка Фросина Кулакова, обвинетиот Васил Јованов изрази вина и се извини на нејзиното семејство. Со скршен глас и очигледно вознемирен, тој изјави:
„Сакам да изразам искрено сочувство до семејството на Фросина и да се извинам за сето тоа што се случи. Никогаш не сум можел да замислам ваков исход. Да, се чувствувам виновен.“
Судијката Снежана Марковска, која претседава со судскиот процес, му постави низа прашања за неговата здравствена состојба и ментална подготвеност. Јованов одговори дека се чувствува добро, дека не е корисник на алкохол или психотропни супстанции.
