(Видео) Напаѓачот од Штип проби патарина, полицијата пукаше во возилото

Во вечерните часови денеска, во едно од штипските кафулиња се случил вооружен напад при што едно лице било повредено. Според првични и неофицијални информации добиени од „24 Инфо“, напаѓачот веднаш по нападот ја напуштил локацијата и се дал во бегство со патничко возило од марката BMW.

Сведоци на настанот изјавиле дека сторителот по излегувањето од кафулето заминал во непознат правец. Неколку часа подоцна, автомобилот бил забележан во близина на патарината кај Миладиновци. Таму, осомничениот не се придржувал кон сообраќајните правила – не застанал на поставениот „стоп“ знак, ја пробил рампата на патарината и продолжил да вози со голема брзина.

Полицијата бргу реагирала на ситуацијата и отворила оган кон возилото, обидувајќи се да го запре. Подоцна, возилото – оштетено и превртено – било лоцирано во близина на влезот во ТИР-зоната во Миладиновци.

Видео: 24Инфо.мк