Фото: Принтскрин
Вицепремиерот и потпретседател на ВМРО-ДПМНЕ, Александар Николоски, во своето гостување во емисијата „Тема на денот“ на телевизија Сител, се осврна на подготовките за претстојните локални избори и состојбата во градот Скопје.
Во своето излагање, Николоски изрази сериозна критика кон актуелната градоначалничка Данела Арсовска, оценувајќи дека таа не ги исполнила очекувањата и целосно потфрлила во реализацијата на проектите и обврските кои ги презеде на почетокот на мандатот.
Тој нагласи дека ВМРО-ДПМНЕ веќе активно работи на селекција на квалитетни кандидати за градоначалници, особено за Град Скопје. Во моментов, како што рече, во рамки на партијата се креира поширок круг на можни кандидати, од кои некои веќе јавно ја изразиле подготвеноста да се вклучат во трката за водечката функција во главниот град.
Николоски најави дека до втората половина на летото ќе се прецизира кој ќе биде кандидатот на ВМРО-ДПМНЕ за Скопје, додека во истиот период, согласно најавите од премиерот и лидерот на партијата, ќе бидат познати и имињата на кандидатите за останатите општини низ државата.
