Фото: Принтскрин
Во рамки на најавените измени на законот кој го регулира безобѕирното управување со моторни возила, предвидена е и можноста за одземање на возилото како посериозна санкција за прекршителите. Сепак, носењето на овие измени ќе зависи од претходно техничко усогласување со Законот за прекршоци.
Министерот за внатрешни работи, Панче Тошковски, во гостување на телевизија Канал 5 истакна дека досегашната правна регулатива дозволувала истото поведение да се третира и како прекршок и како кривично дело, што создаваше правна нејаснотија и недоследности во постапувањето на институциите.
„Ако управувате моторно возило без возачка дозвола, а притоа тој што е сопственик на возилото вие е родител, брат, сестра и ткн. и го знае фактот дека го управувате возилото, возилото се одзема задолжително. Тој што ќе управува возило без возачка дозвола, возилото ќе му биде одземено веднаш и враќање нема“, кажа Тошковски.
