Фото: Принтскрин
На социјалните мрежи деновиве се појави видео кое побуди големо внимание и длабоки емоции, особено кај православните верници. Станува збор за потресна снимка која за кратко време се прошири и предизвика бројни реакции. Видеото ја прикажува Фанула, млада девојка од градот Патра во Грција, која, според изјави на присутните, доживеала чудесно исцелување по молитва во православниот манастир „Свети Исидор“ на ридот Ликавитос во Атина.
Фанула, која страдала од мултиплекс склероза и со години се движела со помош на инвалидска количка, на видеото може да се види како, по молитвата на отец Димитриос Лупасакис, се подигнува и започнува да оди самостојно.
Отец Димитриос, духовникот кој служи во манастирот, веќе долго време е познат меѓу верниците по своите молитви за исцелување и духовна поддршка. Манастирот „Свети Исидор“ претставува едно од најпосетуваните светилишта во Атина, каде што секојдневно пристигнуваат луѓе од различни краеви во потрага по духовно прибежиште, надеж и олеснување од страдањата.
