Фото: Принтскрин
Министерството за внатрешни работи спроведе сеопфатна и детална истрага по трагичниот настан што ја потресе јавноста во Кочани. Како резултат на истрагата, поднесени се кривични пријави против 70 лица, меѓу кои има и актуелни и поранешни министри, градоначалници, раководители на институции, инспектори, припадници на полицијата, како и други лица со одговорни позиции.
Министерот за внатрешни работи Панче Тошковски, во своето обраќање по повод одбележувањето на 7 Мај — Денот на македонската полиција, нагласи дека истрагата е спроведена целосно транспарентно и без селективност.
„Се работеше професионално и без компромис. Без заштита, без двоумење и без разлика на политичка или институционална припадност. Законот важи еднакво за сите,“ изјави Тошковски, испраќајќи силна порака за отчетност и правна држава.
