Без одлука во Ватикан – црн дим го одбележа првиот круг на гласање

Првиот круг на гласање во Ватикан за избор на нов папа заврши без резултат – црн дим се издигна од оџакот на Сикстинската капела, што укажува дека кардиналите сè уште не постигнале консензус.

Процесот продолжува утре со дополнителни гласања. Според традицијата, потребно е двотретинско мнозинство за валиден избор.

Конклавот се одвива зад затворени врати, а јавноста добива информации единствено преку сигналот од димот.

Следниот обид за избор се очекува утре претпладне.