Фото: МВР
На 5 мај 2025 година, околу 10:15 часот, во СВР Скопје било пријавено дека на булеварот „Крсте Мисирков“, во близина на Бит Пазар, било пронајдено починато машко лице, соопшти Министерството за внатрешни работи.
Лицето не поседувало лични документи со кои би можело да се изврши веднаш идентификација. На местото на настанот пристигнала екипа од Итната медицинска помош, чиј лекар ја констатирал смртта.
По наредба на дежурниот јавен обвинител, телото на починатиот е пренесено на Институтот за судска медицина, каде ќе биде извршена обдукција со цел да се утврдат причините за смртта и идентитетот на лицето.
