Апасиев: Влажните марамици скокнаа од 60 на 100 денари, а тоалетната од 95 на 140

Претседателот на партијата Левица, Димитар Апасиев, преку објава на социјалните мрежи информираше дека од вчера е забележано зголемување на цените на основните животни намирници.

Како што посочува тој, освен храната, значително поскапеле и производите за лична хигиена, што дополнително го оптоварува семејниот буџет на граѓаните.

„Од вчера, цените на основните намирници повторно вивнаа до небо (којзнае кој пат досега). Буквално се е поскапено! Јајца, млеко, сирење, паста за заби, сокови, кечап, зејтин, шампони, сапуни. Влажните марамици од 60 рипнаа на 100 денари. Тоалетната – од 95 на 140 денари! Покрај менталната, и одржувањето лична хигиена веќе ќе стане луксуз. Сите ќе бидеме „небањати“ (коо права неутро-вмраана). Само Мицика и корумпираната свита околу него ќе си уживкаат. Ќе си тркнат пак до Јапонија на изложба, па на опера у Брисел и на концертче у Вашингтон (со приватен авион)… А ви “душмани” – бурек и јогурт (ако има). И пак да си ги гласате “патриотиве”. Оти ја вработија балд’ската тука у градинката. Ќути, чоек, има и бетер“, објави Апасиев.