Фото: Благородна мисија
Баба Милка од Кочани преживеа тешки моменти што ретко кој може да ги издржи. Пред само неколку месеци го изгуби својот син, кој ненадејно почина, оставајќи длабока болка и празнина во нејзиното срце. Уште не успеала да се соземе од тој трагичен настан, кога нова несреќа повторно ѝ го потресе животот.
На 1 мај годинава, куќата во која живееше сама, на улицата „Партизанска“ бр. 18 во Кочани, беше зафатена од пожар, предизвикан од електричен дефект. Огнот уништи голем дел од домот, а речиси целата покуќнина изгоре, оставајќи ја Милка без покрив над главата и без основни услови за живот.
„Деновиве е згрижена во семејство во Кочани дури застане на нозе. Но за да ја реновира куќата нејзе и е потребна помош. . Таа има ќерка во Германија која последните пари ги дава за да го пренесе мртвото тело на својот брат во Македонија. Во една таква ситуација баба Милка не очекува помош од никаде, а со тоа нема надеж дека ќе може било што да направи сама, единствено се надева на хуманите граѓани.
Да и помогнеме на Милка да ја реновира својата куќа за да има свое преноќиште и покрај сета болка да може да го продолжи животот.
ЗСЗЗ „Благородна мисија“ се обраќа до сите хумани граѓани кои можат да се вклучат во акцијата за помош на баба Милка, да и помогнат.
Освен со финансиски средства може да и помогнете и со покуќнина,, потребни и се : прозорци и врати, паркет, фрижидер, телевизор, кауч, кујна, плакар , маса и столови.
Сметката ќе им биде доставена на сите кои ќе изразат желба да дионираат, како и телефонот за контакт на баба Милка“, велат од „Благородна мисија“.
