Фото: Принтскрин
Украинскиот претседател Володимир Зеленски го одби предлогот на рускиот лидер Владимир Путин за привремен тридневен прекин на огнот по повод 9 мај, Денот на победата над фашизмот.
Наместо тоа, Зеленски побара значително подолг период на примирје, повикувајќи на најмалку 30 дена прекин на воените дејствија.
Како што пренесе новинската агенција „Униан“, Зеленски објасни дека краткотрајните примирја немаат реална вредност на теренот и често се користат за тактички маневри.
Тој посочи дека Украина не може да обезбеди целосна безбедност за странските државници кои би престојувале во Москва за 9 мај, што дополнително ја комплицира ситуацијата.
