Фото: Александар Николовски
На делницата Тетово – Гостивар денеска симболично започна изградбата со поставување на камен-темелник, со што стартува реализацијата на значаен инфраструктурен проект. Новата делница ќе биде долга приближно 18 километри и се проценува дека ќе чини околу 90 милиони евра.
Планираниот автопат ќе содржи шест сообраќајни ленти – по три во секоја насока, од кои две ќе бидат возни, а третата ќе служи како лента за итни случаи. Изградбата ќе ја изведува конзорциумот Бехтел – Енка, кој веќе работи и на други инфраструктурни проекти во земјава.
Надлежните институции и изведувачот очекуваат работите да бидат завршени во рок од околу две години. По комплетирањето на оваа делница, времето на патување на рутата Тетово–Гостивар–Кичево–Охрид ќе се скрати на приближно еден и пол час, што значително ќе го подобри сообраќајниот проток и ќе придонесе за регионален развој.
