„Ќе ги зголемиме платите и пензиите, ќе има нови работни места“, вети премиерот Мицкоски

Премиерот Христијан Мицкоски испрати честитка до граѓаните по повод 1 Мај – Меѓународниот ден на трудот, истакнувајќи ја важноста и улогата на работниците во изградбата на едно просперитетно општество.

Мицкоски кажа дека ќе продолжат да се залагаме за подобри услови за сите работници, за фер плати и поголема заштита на работничките права.

„Владата и во иднина продолжува да биде целосно посветена на подобрувањето на животниот стандард на граѓаните. Преку зголемување на минималната и просечната плата, зголемување на пензиите, поддршка за нови работни места, унапредување на работничките права и намалување на невработеноста, вложуваме во вистинските вредности – трудот, знаењето и човекот. Знаеме дека секој успех започнува од човекот и зависи од неговата сигурност, стабилност и мотивација. Да продолжиме заедно да ја градиме Македонија како праведна, солидарна и достоинствена држава за секој нејзин граѓанин. Честит Први мај – Меѓународен ден на трудот!“, напиша Мицкоски во честитката.