Првата асоцијација на Први мај е скара во природа – а има ли нешто поубаво од скара со кромид? Иако многу луѓе не можат да си замислат едното без другото, познатиот гастроентеролог д-р Војислав Перишиќ советува спротивно.
Д-р Перишиќ објасни што е најштетно кај скарата и како маринадата може да ги неутрализира штетните материи.
„Се распрашував кај еден мој пациент, тој снабдува ресторани. Го прашав како се подготвува месото за скара. Ми вели – најважен е изборот на месо што ќе се донесе. Потоа се меле месото и се меси со антиоксидантен коктел од масла. Се додава маслиново масло, оригано и малку сенф. Тоа добро се замесува и стои 8 до 10 часа во фрижидер“, објасни тој.
„Натопувањето со тоа масло има силно антиоксидативно дејство. Па кога ќе дојде ред на термичка обработка, црвеното месо создава прооксидативни материи, а таа маринада ги неутрализира. Ова не го зборувам напамет – шведска студија спроведена во Малме покажува дека Европската Унија издвоила 50 милиони евра за да го испита токму ефектот на овие материи врз меленото месо што ќе се пече на скара. Значи, третманот на месото со антиоксидативни материи пред термичка обработка е мошне значаен. Истото важи и за колбасите – таа смеса мора да се натопи барем неколку часа. А кога станува збор за месо како свински врат, тогаш ставете го во маринада и оставете го цел ден“, изјави професорот во гостување на ТВ Прва.
Дали некои други намирници можат да ги неутрализираат штетните прооксиданти во месото?
„Потешката, богата храна се неутрализира со добра салата. Да има многу зеленчук! Салата од зелка, зелена салата, целер – да знаете дека целерот е многу важен, поради каротеноидите. Кромидот надувува, затоа што поттикнува пробиотски материи. Од него и се ожеднува. Тоа не е комфорен осет и јас не би го препорачал, освен младиот кромид – тоа е друга приказна“, додава тој.
