Фото: Принтскрин
Сојузот на синдикати на Македонија (ССМ) утрово организираше работнички протест пред Работничкиот дом, со јасна порака: потребни се повисоки плати и подобри услови за труд.
По повод 1 Мај – Меѓународниот ден на трудот, ССМ уште еднаш ги повтори своите клучни барања: минималната плата да се зголеми на 500 евра, сите други плати да пораснат за минимум 100 евра, како и почитување на колективните договори и заштита на работничките права.
„Денеска работниците имаат многу причини да протестираат, а малку да празнуваат. Денеска протестираме за плата, денеска одиме пред Собрание, Стопанска комора и Влада да кажеме дека бараме 500 евра минимална плата, дека бараме за 100 евра зголемување на сите останатите плати“, кажа првиот човек на ССМ.
