Прилепчанец му украл пиштол на полицаец додека се обидувал да го приведе

За време на полициска интервенција во Прилеп, лице од градот успеало да му го одземе службениот пиштол на полицаецот кој бил ангажиран во неговото приведување.

Инцидентот се случил во момент на физички отпор, по што осомничениот се дал во бегство.

„Вчера во 15.47 часот полициски службеници од ОВР Прилеп, додека постапувале по наредба од Основен суд Прилеп за приведување на С.Ќ. на ул.„Дебарца” во населба Тризла во Прилеп, биле физички нападнати од С.Ќ., кој му го одзел службениот пиштол на еден од полициските службеници, и се дал во бегство. Во исто време, се собрала поголема група на луѓе кои на полициските службеници им упатувале закани и навреди“, информираат од МВР.