Фото: Принтскрин
На денешното судење во Кривичниот суд, Љубе Крстевски и Бранко Билбиловски се изјаснија за невини по обвинението за бруталното малтретирање и убиство на кучето Феликс. Настанот, кој ја потресе јавноста, се случи во ноември минатата година во магацински простор во Момин Поток.
Според обвинителниот акт, на 19 ноември 2024 година, двајцата обвинети на суров начин го малтретирале кучето, нанесувајќи му тешки болки и маки. Крстевски, како што покажуваат снимките од надзорните камери, повеќепати го удирал Феликс по главата со метална шипка.
Иако по нападот кучето беше згрижено во ЈП „Лајка“ и повеќе од педесет дена се бореше за живот, за жал, во јануари годинава ја загуби битката.
