Фото: Принтскрин
Александар Пандов, директорот на Управата за извршување санкции, преку видео обраќање на социјалните мрежи соопшти дека неговиот дом, кој се наоѓа во селото Орешани, општина Зелениково, бил цел на подметнат пожар.
„Ова е данокот за нашата борба за владеење на правото без калкулации?
Ова е цената за удирањето по мафијата!
Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат.
Никој не е над законот!
Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре – напротив, само не зајакнува!
Очекувам институциите да го најдат и казнат сторителот. А јас и сите заедно ќе продолжиме таму каде што бевме – со уште поголема одлучност“, вели Пандов.
