Семејствата на настраданите од Кочани утре ќе протестираат во Скопје

Семејствата на жртвите од трагедијата што се случи на 16 март во дискотеката „Пулс“ во Кочани, најавуваат организирање на протестен марш под наслов „Марш за ангелите“. Настанот ќе се одржи во вторник во Скопје.

Маршот ќе започне точно во 12 часот и 5 минути, што претставува симболичен чин за да се укаже на задоцнетата реакција на надлежните институции.

„Ние заслужуваме одговори, ние не сме познавачи на правото и на законските процедури и затоа не разбираме како познавачите на правото притвораат па пуштаат, па свесни ли се дека и онака целосно разнишаната доверба во досегашното институционално работење со фати па пушти без да имаме јасно образложение за таа законска процедура што се создава во нашите мисли кои и онака се на работ на себеуништување“, велат семејствата.