Фото: Venko Krstevski
В.д. градоначалникот Крстевски им постави рок од 30 дена на сопствениците на угостителските објекти за усогласување на летните тераси со важечките законски прописи.
Доколку за тоа време не се извршат потребните прилагодувања, локалната власт ќе пристапи кон принудно отстранување на нелегалните конструкции, што ќе значи дополнителни финансиски обврски за сопствениците.
На средбата со угостителите беше најавено дека во најкус можен рок ќе се распише тендер за избор на фирма што ќе биде задолжена за отстранување на дивоизградените објекти.
Крстевски потенцираше дека општината ќе ги почитува сите законски процедури, но исто така ќе биде решителна во спроведувањето на мерките.
Од своја страна, угостителите нагласија дека долг период функционираат под истите услови, со тврдење дека им било дозволено поставување на терасите, како и дека редовно ги плаќаат сите давачки кон државните и локалните институции.
