Симона Стојкова од Скопје, чија фотографија неодамна се појави на страницата „najdime.org.mk“ со наводи дека е исчезната, всушност никогаш не била официјално пријавена за исчезната во ниту една полициска станица.
Таа лично ја демантираше оваа лажна информација преку објава на својата официјална „Фејсбук“ страница, истакнувајќи дека е добро и дека нејзиното име не треба да се поврзува со вакви објави.
„Драги пријатели,сите што ме познавате лично и оние што не ме познавате,објавата денес што се прошири дека сум исчезната е ЛАЖНА !!! Се кренала лажна тревога!!! Благодарам за трудот и загриженоста да ме најдете но се работи навистина за лажна тревога! Поздрав! Симона“, објави таа.
