Јакимовски: Сакаат да нѐ тргнат нас кои имаме квалитетни школи за да дојдат тие со купените дипломи

По изрекувањето на казната затвор од три години и шест месеци, градоначалникот на општина Карпош, Стевчо Јакимовски, излезе со реакција во јавноста, тврдејќи дека судскиот процес бил политички мотивиран и насочен кон негово елиминирање од политичката сцена.

Тој ја истакна својата невиност и ги отфрли сите обвинувања како неосновани.

„Хајката се води долго време, да нѐ тргнат нас кои имаме квалитетни школи, а за дојдат со купените дипломи. Тешка е борбата, се бориш против држава, против најсилниот дел, Обвинителството. Ќе поднесеме жалба до Апелација, аргументите се 1000% на наша страна. Се прашувам кога мене ова како јавна личност, ми се случува ова, што ли се случува со кутрите луѓе низ судските лавиринти“, вели Јакимовски.