Фото: Karlovacki.hr
Трагедија ја потресе хрватската јавност по тешка сообраќајна несреќа која се случи во Карловац, при што животот го загубија две лица, а уште три се здобиле со повреди. Еден од загинатите, како што потврди хрватската полиција, е поранешниот фудбалски репрезентативец Никола Покривач, кој остави длабока трага во националниот спорт.
Несреќата се случила во вечерните часови, околу 20:15 часот, и во неа биле вклучени четири возила. Подеталните околности сè уште се истражуваат, а полицијата работи на целосно расветлување на случајот. За жал, последиците се кобни, особено со оглед на тоа што животот го изгуби еден познат спортист и јавна личност.
Никола Покривач во текот на својата фудбалска кариера настапуваше за неколку реномирани клубови, меѓу кои Динамо Загреб, Монако, Салцбург, Шахтјор, Интер Запрешиќ и Славен Белупо. Својот најголем успех го забележа како дел од хрватската репрезентација, за која одигра 15 натпревари.
Фотографиите може да се погледнат на „karlovacki.hr“ (ТУКА).
