Фото: Принтскрин
Апелациониот суд во Нови Сад донесе одлука за укинување на првостепената пресуда со која 32-годишниот Огњен К. беше осуден на пет години затвор за сообраќајната несреќа што се случи во август 2021 година и во која трагично го загуби животот 28-годишната Милица Миличевиќ, додека нејзиното момче, 26-годишниот Зоран Јанковиќ, беше тешко повреден. Парот во моментот на несреќата се превезувал на скутер, кога во нив удрил автомобил „Ренџ Ровер“, управуван од Огњен К.
Судот наложи повторно водење на постапката со цел да се преиспитаат сите досега изведени докази, како и вештачењата, со можност да се вклучат и нови елементи во истрагата. Оваа одлука доаѓа откако се постави прашање за објективноста и целосноста на досегашната проценка на доказите, како и начинот на кој било утврдено влијанието на алкохол врз способноста за управување со возилото.
Несреќата се случила ноќта помеѓу 7 и 8 август 2021 година, по полноќ. Возачот, кој не застанал по инцидентот, подоцна бил идентификуван преку регистарските таблички на возилото. Кога бил лоциран и тестиран, алкотестот покажал присуство на 1,77 промили алкохол во здивот, додека лабораториската анализа на крв открила дури 2,05 промили.
