Фото: Принтскрин
Министерот за економија изјави дека досега ниту еден трговец не поднел поплака во врска со новиот правилник што ја регулира обврската за јавно објавување на цените преку интернет.
Според регулативата, која стапува на сила задутре, сите поголеми трговски објекти – вклучувајќи маркети, аптеки, бутици, продавници за бела техника, играчки и железарии – ќе мора на своите веб-страници јасно да ги прикажуваат сите производи што ги нудат, заедно со нивните актуелни цени.
Од оваа обврска се изземени само малите трговци со до десет вработени. За оние кои нема да го почитуваат законот, се предвидени казни кои можат да достигнат и до 10.000 евра.
Министерот дополнително објасни дека согласно правилникот, цените ќе треба да се ажурираат секој работен ден најдоцна до 10 часот наутро. Во случај кога се нуди попуст, трговците се должни да ја наведат и редовната цена, точниот процент на намалување, како и периодот во кој трае акцијата.
