Благодарение на координираната акција на припадниците на ОВР Неготино и мештаните од селото Тремник, 22-годишниот Диме Стојамиров, кој беше пријавен како исчезнат, е пронајден жив и во добра здравствена состојба.
Информацијата беше споделена попладнево преку Фејсбук-страницата посветена на селото Тремник, каде што жителите активно се вклучија во потрагата.
Случајот бил пријавен до полицијата во Неготино во 22:15 часот претходната вечер од страна на неговиот чичко, по што веднаш биле преземени оперативни мерки за пронаоѓање на младиот маж.
