Фото: Принтскрин
Новиот вршител на должноста градоначалник на Кочани, Венко Крстевски, на својата прва прес-конференција ја оцени ситуацијата во општинската администрација како крајно загрижувачка и алармантна. Според него, состојбата во која е затекната општината бара итни мерки и целосна реорганизација.
„Една од првите одлуки што ќе ја донесам како нов градоначалник е да се издвојат 3 милиони денари за справување со последиците од неодамнешната трагедија во Кочани,“ истакна Крстевски.
Тој потенцираше дека затекнал хаос во работата на администрацијата и нефункционални проекти, а слична ситуација владее и во јавните претпријатија, особено во комуналниот сектор.
„Не постои јасна слика дали имаме назначени директори, а технички директор воопшто нема,“ додаде тој.
Крстевски посебно ја истакна алармантната состојба со човечките ресурси во противпожарната служба.
„Наместо потребниот минимум од 32 пожарникари, располагаме со само 16, што е недозволиво кога станува збор за безбедноста на граѓаните,“ предупреди градоначалникот.
