(Видео) Тешка сообраќајка во Аеродром, еден автомобил е превртен на кров

Тешка сообраќајна несреќа се случи денес попладне во скопската населба Аеродром, на раскрсницата кај трговскиот центар „Бисер“, во правец кон Ново Лисиче.

Според видео-снимки објавени од „24Инфо“, во несреќата се вклучени две патнички возила, а сцената е застрашувачка – едното возило е целосно оштетено и превртено на покрив, што укажува на сериозноста на судирот.

Првичните информации велат дека едно лице е повредено во сообраќајката, но е надвор од животна опасност.

Видео: 24инфо