Нова детска градинка – најголема инвестиција во Бутел 2

Градежните работи на новата детска градинка во скопската населба Бутел 2 се одвиваат со брзо темпо и видлив напредок. Ова беше потврдено и од градоначалникот на Општина Бутел, Дарко Костовски, кој изврши теренски увид и се запозна со текот на изведбата.

Современиот објект ќе се простира на површина од 1.800 квадратни метри и ќе биде изграден според најновите стандарди за предучилишно образование. Проектот предвидува три независни влеза, што ќе придонесе за подобра организација и функционалност на просторот.

Со капацитет за згрижување на околу 200 деца, оваа градинка претставува важна инвестиција во иднината на општината, овозможувајќи подобри услови за децата и олеснување за родителите од овој дел на градот.