Македонецот Волкановски испиша историја – на 36 години постави нов стандард во УФЦ

Александар Волкановски повторно го освои шампионскиот појас во перо категоријата, откако во бескомпромисна петрундовна борба успеа да го совлада Диего Лопез.

Но, овој триумф носи уште поголема тежина од самиот појас. Волкановски направи нешто што никому пред него не му успеало – стана првиот борец во историјата на УФЦ кој на 35 или повеќе години победил во борба за титула во една од полесните категории: од мува до лесна.

Овие категории традиционално се доминирани од помлади борци, бидејќи се темелат на брзина, експлозивност и кардио издржливост – атрибути што со текот на годините се губат. Возраста често се смета за хендикеп во овие дивизии, каде што секунда може да направи разлика меѓу победа и пораз. Сепак, Волкановски на 36 години покажа дека искуството, интелигенцијата во кафезот и менталната цврстина можат да надвладеат над младешката енергија.

📊🏆 RECORD IS BROKEN: Alexander Volkanovski is the first fighter to win a UFC belt at 35+ in the divisions from Flyweight to Lightweight.

These divisions are extra sensitive towards fighters age. pic.twitter.com/ThTsDd539D

— Home of Fight (@Home_of_Fight) April 13, 2025