При редовна сообраќајна контрола спроведена од страна на полициски службеници од Одделението за внатрешни работи во Дебар, било запрено патничко возило од марката „Фолксваген Поло“ со дебарски регистарски таблички. Контролата се случила синоќа, околу 22:10 часот, на улицата „Јусуф Грвала“ (поранешна Вељко Влаховиќ).
Според информациите од полицијата, по извршената проверка било утврдено дека возилото го управувал малолетник од Дебар, што претставува прекршок согласно сообраќајните прописи.
Веднаш по интервенцијата, на местото на настанот пристигнал родителот на малолетникот, кој наместо да соработува со службените лица, започнал да се однесува агресивно и да упатува закани, со што го нарушил јавниот ред и мир.
