На социјалните мрежи се појавија фотографии од две лица – маж и жена – за кои се тврди дека биле фатени како вршат кражба на гробот на починатиот Ѓорѓи Ѓорѓиев, тапанарот на популарната музичка група ДНК.
„Како бе вака? Каде бе вака? Имате ли свест, совест, имате ли жал и сочувство? Малку ли им беше тагата на Ѓоргиеви, па на огнот да се дотура бензин? Два дена по ред машко и женско лице крадат од гробот на Ѓорѓи. Украдени се ангелчиња украси, цвеќињата, ја украле водата па дури и метлата…
Оставете ги луѓето достоинствено да тагуваат по чедото. Срамота, голема срамота…до таму стигнала работата да се нема грам човечност веќе!
Лицата се откриени од СВР-Струмица“, се вели во објавата на „Струмица Денес“.
