(Фото) Белоглав мршојадец се роди во скопската зоолошка градина

Со голема радост ја споделуваме веста дека по пауза од три години, во Скопската зоолошка градина се изведе ново младенче од белоглав мршојадец – стои во објава на нивната официјална Фејсбук страница.

„Овој вид е трајно заштитен во нашата држава, како еден од најзагрозените, а неговата улога во природата е доста значајна. Мршојадците се всушност наши еко чувари. Тие се хранат со трупови на мртви животни и со тоа спречуваат ширење на зарази. Женките птици најчесто се гнездат на ксрпи и несат по едно јајце, чија инкубација трае 48-53 дена“, велат во нивната објава.