Фото: ФФМ
На 27 април, во бугарскиот град Варна ќе се одржи хуманитарен фудбалски натпревар, на кој ќе настапат фудбалски великани од двете земји. Средствата собрани од овој настан ќе бидат наменети за помош на жртвите од трагичниот пожар што неодамна го зафати ноќниот клуб во Кочани.
Фудбалската федерација на Македонија официјално ја потврди својата поддршка и учество во оваа иницијатива, која се реализира во соработка со фондацијата „Национали 94“.
Публиката во Варна ќе има ретка можност повторно да ги види на теренот некои од најголемите имиња во бугарскиот фудбал, меѓу кои Христо Стоичков, Борислав Михајлов, Емил Костадинов, Јордан Лечков, Наско Сираков, Илиан Јорданов, Георги Генчев, Красимир Балаков и Валери Божинов.
