Фото: Принтскрин
Секторот за внатрешни работи Куманово поднесе кривична пријава по скратена постапка против две лица – С.Ф. (19) и З.Ф. (24), жители на селото Луке, во општина Крива Паланка. Тие се сомничат за сторување на тешко кривично дело – убиство.
Според информациите од истрагата, на 24 март 2025 година, пријавените се договориле да извршат кражба во домот на нивниот сосед Љ.С. За да го реализираат планот, го намамиле да излезе во дворот на куќата. Таму, С.Ф. го нападнал со остар предмет, нанесувајќи му повреди од кои жртвата починала на самото место.
По стореното злосторство, осомничените одзеле пари од жртвата, а со цел да го прикријат трагичниот настан, го запалиле телото и потоа ги закопале остатоците.
Надлежниот судија за претходна постапка им одредил мерка притвор на двете лица.
