Фото: Принтскрин
Наместо првично изречената казна од три и пол години, возачот што ја прегази 22-годишната Теодора Ристевска на обележан пешачки премин во Тетово, ќе издржува затворска казна од две години.
Оваа одлука ја донесе Основниот суд во Тетово, откако обвинетиот ја призна вината за трагичниот настан што се случи во септември 2022 година.
Судскиот процес се одвиваше повеќе од две и пол години и помина низ неколку инстанци на правосудниот систем.
„Што да очекувам од оваа држава, кажете ми. Плачам за правда, правда нема. Нема никогаш да има во оваа држава. Отиде оваа држава. Младите бегаат, ние постарите ќе почнеме да бегаме. Ова не е држава“, вели таткото на Теодора.
