Фото: Принтскрин/SupportKocani
Роберт Божинов, еден од преживеаните во трагичниот пожар што ја зафати дискотеката „Пулс“ во Кочани, за првпат јавно проговори за своето искуство и патот на долгото закрепнување. Во интервју за „Супорт Кочани“, тој се потсети на драматичните моменти од таа кобна вечер и на ужасот што го преживеал.
Како што раскажува Роберт, неговиот живот бил спасен благодарение на херојска интервенција на пожарникар кој успеал да го извлече од вжештениот објект и веднаш го упатил кон најблиската здравствена установа – Општата болница во Кочани. Оттаму, поради сериозноста на изгорениците, бил префрлен во скопската болница „8-ми септември“, каде што му била укажана натамошна медицинска помош.
Сепак, заради комплексноста на неговата здравствена состојба и потребата од специјализирана нега, Роберт подоцна бил транспортиран во Шведска, каде што продолжил со лечење и рехабилитација.
