По трагичниот пожар во Кочани, меѓу првите кои пристигнаа за да пружат медицинска помош беа стручни тимови од повеќе земји, вклучително и Израел. Тие одиграа клучна улога во третманот и згрижувањето на повредените пациенти, придонесувајќи со своето богато искуство и експертиза.
Станува збор за експерти од реномираниот Светски медицински центар „Шеба“, каде што функционира специјализиран Центар за хуманитарен одговор при катастрофи (HDRC).
ВНИМАНИЕ ДО ЧИТАТЕЛИТЕ: ТЕКСТОТ СОДРЖИ ВОЗНЕМИРУВАЧКИ ФОТОГРАФИИ ИЗВАДЕНИ ОД САМОТО ВИДЕО
Во своето најново соопштение, клиниката објави видео во кое се наведува дека нивната хуманитарна мисија во земјата е успешно завршена. Во видеото, кое содржи и вознемирувачки кадри, е прикажана сериозноста на повредите — особено изгорениците со кои се соочиле преживеаните.
